Real Madrid ka bërë një ofertë për të zgjatur qëndrimin e Marco Asensios në klub.

27-vjeçarit i skadon kontrata këtë verë, pasi ka qenë në klub për tetë vitet e fundit, me përjashtim të një huazimi në Espanyol.

Athletic dhe Relevo raportojnë se Real Madridi i ka bërë një ofertë Asensios për të zgjatur marrëveshjen e tij, me i pari që raporton se të dyja palët janë shumë optimiste për arritjen e një marrëveshjeje.

Këta të fundit kanë zbuluar disa detaje kyçe të rinovimit. Los Blancos do të lejojnë Asension të zgjedhë kohëzgjatjen e kontratës, pasi duan që ai të qëndrojë për një kohë të gjatë në Bernabeu. Ai gjithashtu është i vendosur të fitojë më shumë se sa fiton aktualisht me marrëveshjen e re.

Për Asension, paratë dhe kohëzgjatja e kontratës nuk janë faktorë kyç dhe nuk do të ketë asnjë problem me to. Anësori dëshiron të jetë një pjesë e rëndësishme e ekipit dhe të marrë minuta mbi të gjitha, dhe po pret të shohë se sa kohë lojë merr në fazën vendimtare të sezonit përpara se të nënshkruajë.

Ndërkohë ai dëshiron të luajë edhe më në qendër, duke u përdorur si mesfushor sulmues nga Carlo Ancelotti. Kjo është parë në ndeshjet e fundit, duke u paraqitur kundër Barcelonës për të luajtur atë rol, si dhe duke zënë një pozicion të ngjashëm kundër Real Valladolid dhe Villarrealit gjatë tre javëve të fundit.

Megjithatë, ai ende duket qartë si një lojtar i dytë për Ancelottin. Tetë gola dhe gjashtë asistime janë shifra të mira në 37 paraqitjet e tij, kur merren parasysh vetëm 14 prej tyre që kanë qenë fillim. Nëse Asensio nuk është i lumtur të jetë një nga zëvendësuesit më të besueshëm ose opsionet e rotacionit, mund të jetë një pikë pengese për të dy palët. /Telegrafi/